مطلوب قطعة ارض من 5 الى 10 افدنة

[unique21170]

السادة الافاضل
ابحث عن قطعة ارض من 5 الى 10 افدنة للزراعة

بعض المكاتب عرضت على ارض فى المناطق التالية
الكيلو 11 طريق الصالحية مزروعين برتقال صيفى عمر سنة ونصف وش المياه على بعد 4 متر تتبع جمعية العاشر سعر الفدان 55 الف جنيه و عقد اخضر

جمعية السلام الكيلو 96 قبل كارتة الاسماعيلية عقد نهائى مياه ارتوازى و البحارى قريبا سعر الفدان من 50 الى 65 الف حسب موقع الارض

جمعية المنايف سعر الفدان من 50 الى 100 الف

هل يستطيع احد افادتى بطبيعة الارض و المياه و الكهرباء بالمناطق المذكورة
هل هذه الجمعيات موثوق بها
هل يوجد ارض بمميزات افضل فحدود الفدان من 50 الى 70 الف

جزاكم الله خير
احمد

مواضيع مشابهة:

• [طلب]  مطلوب ارض في حدود من 5 الي 10 افدنة في وادي النطرون
• [طلب]  مطلوب 5 افدنة للايجار على وجه السرعه
• [طلب]  مطلوب قطعة ارض للزراعة
• [طلب]  مطلوب قطعة ارض 5 أفدنة للاستصلاح
• [طلب]  مطلوب قطعة ارض 10 افدنه

[خالد الصعيدى]

السلام عليكم ورحمه الله وبركاته
اخى الكريم / انا من القاهره هاعرض عليك ارض تمليك لى انا واخى متجاورتين للبيع بوادى النقره بمدينه كوم امبو باسوان الارض قمنا باستصلاحها وهى ارض طينيه وتروى غمر من ترعه بمياه النيل وتروى راحه بدون اى الات وهى مزروعه حاليا نعناع ومحاط بارضى 45 نخله برحى زراعه انسجه تم زراعتها منذ سنه ونصف والارض خصبه يجود بها اى زرع . الارض مساحتها 11,5 احدى عشر فدانا ونص بواقع سته فدادين الا ربع لكلا منا الارض مطلوب لمساحه اخى 70 الف للفدان ولارضى 75 الف للفدان وهى تمليك من شركه حكوميه ويتم كتابه عقد تمليك للمشترى من الشركه مع اصدار حيازه زراعيه ولا يوجد على المشترى اى مصاريف اخرى ولو تحب ارسلك صور ليها والزرع فيها راسلنى على الايميل وان شاء الله ارسلك الصور ولك جزيل الشكر ......خالد
jaguar_6600[at]homail.com

[د. ياسر التلمسانى]

جمعية السلام مياة جوفيه مالحه و لا يوجد مياه بحارى (و لا ف الأحلام) انا كنت بشترى هناك من 5 سنين و قالوا لى نفس الكلام!!!

جمعية المنايف لا أدرى عنها شىء.

جمعية العاشر أسمع عنها خير و لكن المياه الجوفيه بها ملوحة و بعض الأماكن فيها مياه بحارى و لكن طبعا ستكون اغلى.

بصفه عامه منطقة الاسماعيليه لا ينصح فيها على الأطلاق بالرى الأرتوازى نظرا لملوحة المياه و الرى البحارى المتوفر بها فى منطقة وادى الملاك فقط و سعر الفدان يتراوح من 120 - 150 ألف جنيه و المياه البحارى ترفع فى احواض ثم تضخ للمزارع و يوجد بها نقص خصوصا بالصيف.

انا لسه من 3 أيام شارى مزرعة لأثنين من أصحابى بمدينة السادات مواصفاتها على بعد 3 كم من الطريق الأقليمى، الارض تربة حمراء و ملوحة المياه 250 جزء فى المليون و الأرض عقد نهائى من جهاز مدينة السادات (أفضل 1000 مرة من هيئة التعمير) و بها رخصة بئر و بطاقة حيازة و رخصة مبانى!!!

السعر 65000 جنيه للفدان.

فى اعتقادى ان منطقة مدينة السادات و كفر داود من افضل المناطق الزراعية فى مصر للأسباب التالية:

1. قريبة من مدينة السادات اى من العمران و كل وسائل المدنية.
2. قريبة من القاهرة على بعد 90 كم.
3. قريبة من الدلتا (30 كم من منوف و 50 كم من شبين الكوم)
4. جهة التعامل الحكومية هى جهاز مدينة السادات و التعامل معه مريح جدا وبسيط و غير معقد.
5. طبيعة الأرض رمليه حمراء تصم الماء و تحافظ عليه.
6. المياه الجوفيه ممتازة بشهادة هيئة الطاقه الذريه التى أجرت ابحاث عليها.
7. المنطقة نفسها بها عمار شديد فتجد فلاحين و أبقار و انت ماشى و بيوت متناثره و جوامع و ما الى ذلك.

لهذا السبب اخترت الشراء فى هذه المنطقة.

ملحوظه:
لا يوجد لدى أراضى هناك لأبيعها و لن أعطي رقم تليفون السمسار الذى باع لى تجنبا لأية شبهه، فقط أبحث فى هذا المكان.

[unique21170]

د ياسر جزاك الله كل خير

انا ذاهب غدا بناء على ميعاد مسبق لرؤية بعض القطع فى جمعية العاشر و ساوافيكم بالاخبار
وجارى البحث بمدينة السادات

[aahmed0055]

يوجد قطعة ارض 5 فدان على طريق الخطاطبة الصحراوى على الاسفلت مباشرة ويوجد مساحات اكبر حتى 90 فدان
جهاز مدينة السادات
وبالتوفيق للجميع

[unique21170]

الاخوة الافاضل
رجاء التكرم بمساعدتى فى البحث بمدينة السادات حيث انى لم اوفق بالاسماعيلية

[aahmed0055]

الاخوة الافاضل
رجاء التكرم بمساعدتى فى البحث بمدينة السادات حيث انى لم اوفق بالاسماعيلية

ى

استاز احمد
انا تحت امرك لا تقلق من اى شئ نحن نوفر لك والى غيرك
يوجد مساحة عشرة فدان بكر مسافة واحد كيلو و800 متر من الاسفلت تمليك هيئة واستراحة وبئر جاز جارك عندة كهرباء يعنى ممكن تقدم على كهرباء من الصبح
نوع الارض حمراء والسعر ممتاز

بالتوفيف ان شاء اللة

[kimo]

د. ياسر بعد التحية انا معجب جدا بمواضيع حضرتك لانك تهتم بالمصلحة العامة وليست المصلحة الشخصية وفقك الله وزادك من علمه
ارجو من سيادتك ان توضح هل يوجد خمس فدادين فى السادات بالتقسيط حيث اننى شاب ولا املك حاليا الا حوالى 50000 الف جنيه واقوم بتقسيط الباقى وهل بعد الشراء يمكن تاجيل الزراعة فترة ام شرط الزراعة الفورية مع العلم اننى من محافظة الشرقية
ارجو ان تفدنا يادكتور

[د. ياسر التلمسانى]

د. ياسر بعد التحية انا معجب جدا بمواضيع حضرتك لانك تهتم بالمصلحة العامة وليست المصلحة الشخصية وفقك الله وزادك من علمه
ارجو من سيادتك ان توضح هل يوجد خمس فدادين فى السادات بالتقسيط حيث اننى شاب ولا املك حاليا الا حوالى 50000 الف جنيه واقوم بتقسيط الباقى وهل بعد الشراء يمكن تاجيل الزراعة فترة ام شرط الزراعة الفورية مع العلم اننى من محافظة الشرقية
ارجو ان تفدنا يادكتور

للأسف لا يوجد مثل هذا الطلب.

أرى أن تؤجر 5 فدادين و الأيجار فى حدود 2500-3000 جنيه للفدان سنويا و أزرع بباقى المبلغ و حوش ما كنت تنوى تقسيطه مع الدخل من الزراعة حتى تستطيع ان تحقق حلمك بإذن الله.

[aboodarsh]

الاخوة الاعزاء
لدى عشرة افدنة بالحمرا وادى النطرون و حوالى 2 كيلو من الاسفلت و الكهرباء على بعد 1ونصف كيلو تقريبا اشتريتها من العرب من اربع سنوات و جدت الماء مالح و جيرانى زارعين زيتون فقمت بزرراعة الزيتون مثلهم بيكوال و مانزانيللو اساسى المزرعة على مسافات 3 متر فى سته متر و محاطة بجازوارين قدمت طلب للاملاك فى المحافظة وتم الموافقة على التقنين و تم رفع الارض من هيئة المساحة باسمى وقدرت الاملاك الفدان ب ثلاثة عشر الف جنيه و الزيتون بشر و الحمد لله و عايز ابعها
اخى العزيز دكتور ياسر من وجهة نظرك السعر المناسب لها كام ولو عندك زبون يبقى جزاك الله خيرا
د/ مصطفى

[د. ياسر التلمسانى]

الاخوة الاعزاء
لدى عشرة افدنة بالحمرا وادى النطرون و حوالى 2 كيلو من الاسفلت و الكهرباء على بعد 1ونصف كيلو تقريبا اشتريتها من العرب من اربع سنوات و جدت الماء مالح و جيرانى زارعين زيتون فقمت بزرراعة الزيتون مثلهم بيكوال و مانزانيللو اساسى المزرعة على مسافات 3 متر فى سته متر و محاطة بجازوارين قدمت طلب للاملاك فى المحافظة وتم الموافقة على التقنين و تم رفع الارض من هيئة المساحة باسمى وقدرت الاملاك الفدان ب ثلاثة عشر الف جنيه و الزيتون بشر و الحمد لله و عايز ابعها
اخى العزيز دكتور ياسر من وجهة نظرك السعر المناسب لها كام ولو عندك زبون يبقى جزاك الله خيرا
د/ مصطفى

الحقيقة انا كان عندى 125 فدان بالحمرا من حوالى 8 سنوات و لكنى بعتها كلها و لا أدرى ما هى الأسعار الآن بالضبط هناك، و لكن .. عديلى بعت له 9 فدان و هو لا زال موجود هناك حتى الآن و عارضهم هو كمان للبيع بس أرضه محاصيل (الأشجار غير معتنى بها) لأنه بيربى مواشى فيها و يمكنك مراجعة إعلانه هنا للأسترشاد:

http://f.zira3a.net/showthread.php?t=12874&page=1

[IBRAHIM.KORTOBI]

الي اي مهندس شاب ويريد العمل في مجال الزراعه او يريد شراء ارض ومعهوش فلوس انا عندي 50 فدان في قربة الغمازه الكبري بمدينة الصف علي الاسفلت بتروي غمر من ترعة مياه الصرف الصحي المنقاه ومحتاج ناس تيجي تشاركني في الزراعه مش هايدفع اي مبلغ هو عليه العمل والمجهود وانا علي كل حاجه والناتج بالنصف اي ناتج من الارض او تربيه يمكن عمل بير قيسون يطلع مياه للشرب علي بعد 25 متر انازارع ثوم وبصل وشعير وفي غرف لسكن العمال وممكن نبدأ بعشره فدان . انا مقيم بالسعوديه لكن ابني وزوجتي بيتابعو الموضوع بس انا عايز نعمل حاجه كبيره وعلميه الي جاهز يكتب علي الميل وربنا يوفق الجميع ibrahim.kortobi[at]yahoo.com

[aahmed0055]

يوجد 17 فدان للبيع فرصة
كهرباء وتمليك و 500 متر من الاسفلت بجوارها محطة تصدير بطاطس تحت الانشاء وستقوم المحطة رصف ال 500 متر دول
الارض عليها بوابة ومستقلة الارض فى منطقة الخطاطبة
بالتوفيق للجميع

[د. ياسر التلمسانى]

يوجد 17 فدان للبيع فرصة
كهرباء وتمليك و 500 متر من الاسفلت بجوارها محطة تصدير بطاطس تحت الانشاء وستقوم المحطة رصف ال 500 متر دول
الارض عليها بوابة ومستقلة الارض فى منطقة الخطاطبة
بالتوفيق للجميع

رجاءا تحديد السعر

[aahmed0055]

سعر الفدان 100000 جنية
وعلى فكرة تم تحليل نسبة ملوحة مياة البير
وطلعت 300 جزء فى الميلون